ماعاد فيني للجراح ..

أبوس راسك يازمن .. ماعاد فيني للجـراح
خلاص يكفيني أسى .. أبوس راسك يازمن
يااامكثر ذنوبك معي .. ماكل ذنب ٍ لك يبـاح
لامن زعلت اش تستفيد ..! / وش مكسبك من ذا الحزن ..!
أستسلمي ياعزتي .. لاصارت أيامي سلاح
وكان من نفسي أسعدك .. بس الليالي طولن
أنا حاولت أشعل شمعتي .. بس المصيبه في الرياح
لا هن باللي نورن ولاهن باللي انطفن
أخترت في الدنيا ثلاث ( الستر .. وانصاف .. وصلاح )
وكرهت في الدنيا ثلاث ( لا .. ولا يمكن .. ولن )
حبيت في الدنيا ثلاث ( الشعر .. وأمي .. والصباح )
وحلفت لاماأخون الثلاث ( أنتي .. وجاري .. والوطن ) ..!