ماعاد فيني للجراح ..

أبوس راسك يازمن .. ماعاد فيني للجـراح
خلاص يكفيني أسى .. أبوس راسك يازمن
يااامكثر ذنوبك معي .. ماكل ذنب ٍ لك يبـاح
لامن زعلت اش تستفيد ..! / وش مكسبك من ذا الحزن ..!
أستسلمي ياعزتي .. لاصارت أيامي سلاح
وكان من نفسي أسعدك .. بس الليالي طولن
أنا حاولت أشعل شمعتي .. بس المصيبه في الرياح
لا هن باللي نورن ولاهن باللي انطفن
أخترت في الدنيا ثلاث ( الستر .. وانصاف .. وصلاح )
وكرهت في الدنيا ثلاث ( لا .. ولا يمكن .. ولن )
حبيت في الدنيا ثلاث ( الشعر .. وأمي .. والصباح )
وحلفت لاماأخون الثلاث ( أنتي .. وجاري .. والوطن ) ..!

استحي منك..

انا استحي منك واجاملك واهابك ’

ولاجيت ابقولها لك ترجف اعظامي

مليت اداري الغلا واهيم واشقابك ’

ومليت اشوفك سحايب وارجع الظامي

وتعبت من كثر ترحابي وترحابك ’

وتعبت اشوفك حقايق واجهل اوهامي

اموت واعرف شعورن فيك ينتابك ’

وتموت وتعرف سبايب عظة ابهامي

مسيرة العمر جابتني على بابك ’

وعليك حسبة ليل العمر وايامي

وماكتبتك غلا اوعدك لقرابك ’

وعن حب غيرك عهد لنكس اعلامي

اعجابي اسعدك وانا اسعدني اعجابك ’

وصار الغلا بيننا محتوم والزامي

حمامة الشوق طارت بي مع اسرابك ’

من وين امد النظر صورتك قدامي

ارسم تفاصيل عينك واعشق اهدابك ’

واضيع بين السطور وتدمع اقلامي

تدري وش اللي حصل يالترف باسبابك ’

اسهر اناجيك اليـــن تـمـر باحلامـي

وتدري وش اللي ذبحني وحرق اعصابك ’

لاجيت ابقول احبك ترجف اعظامي ..