لعبة جديدهـ

جديده لعبتك هاذي ..

رجوعك ليه أبي أفهم !!

ترا ما جيت في وقتك أنا مو حاسب حسابك ..

نسيتك أو تناسيتك ..

دخيل الله لا تهتم .. !

و أبشرك وجه أحزاني ضحك لي ..

وانقفل بابك ...

وبسيطه جات من صالح حياتي ..

طعنتك للعلم !

قريتك واستفد قلبي من المضمون بكتابك ..

تعلم قلبي من ايدك على كل ما مضى يندم !

زرعتك شوق اتحرى حضورك و أثمر غيابك .

.تحملتك و لكن جبرني الجرح أتكلم ..

خيانه شفتها منك عطرها تارس ثيابك ..

بنيتك حب في قلبي ..

ولكن حظرتك تهدم ...

كرهتك حيل صدقني وكل هذا من أسبابك ..

تقول آسف ..

يا خلف الله بقى بوجه التسامح دم !

أسامح كل شي إلا الخيانه ونشوة اعجابك ..

أنا يا لك أجي واحد يساوي في عيونك كم ..

والا ما أجي عندك وأغير ناتج أحبابك .

.تجيني والندم واضح ولا أقدر أقولك سم ..

لأنه الجرح من شافك تضايق قال وشجابك .. !

واذا تحسبني برجعلك ..

بلاش تفكر و تحلم ..

لأني مو مثل أول أحقق رغبة أهدابك ..

قديمة لعبتك هاذي وكفاية ما أبي أفهم ......

رجاءاً

ابتعد عني ..

أنا مو ناقص ألعابك ... !

أحمد الصانع , لعبه جديده

جابر

ياعلم رفرف ترا مامات جابر

.......... حي بارواح ٍ تضمه في جسدها

ياعلم صيته علي روس المنابر

.......... من عرف سيرة ابو مبارك حمدها

رِفعت الاقلام وارتفعت محابر

.......... حي ذكره لوتوسط في لحدهايا

علم وش انت عن هالشيخ خابر

......... سولفه للي خفا علومك نشدها

جابر العثرات للعثرات جابر

......... وقفته تِعرف ولايحصي عددها

رمز عزتنا وحنّا به انكابر

......... مانست هالارض لِه سجده سجدها

مدّته للطيب ماتِشبر بشابر

......... انشد كفوف تغذّت من رغدها

الارامل واليتيم وكل عابر

......... والعجوز اللي تنكّرها ولدها

والفقير اللي علي اللوعات صابر

......... وكل منهو يشتكي ضيقة نكدها

والبلاد اللي عليها العوز ثابر

......... والشعوب اللي تشكيّ من لهدها

ويوم ضاق الشعب في كل المعابر

.......... مد كفين العطا وكل ٍ شهدها

وراح يركض من ورا داره يثابر

......... لين رد الدار واوفي في وعدها

والكويت بعهد جابر بنت اكابر

......... شامخه والمجد تلعب بّه بيدها

مجدها لاِمع ماتعشق مجد غابر

.......... سطّر التاريخ باسطورة بلدها

ياالاهي رحمتك للشيخ جابر

........ ياوسيع المغفره بِيدك مددها

ياعظيم الشان عفوك في المقابر

........ يوم ضمت جابر الخير بلحدها

:للشاعر : صالح مصلح الحربي

متى عرفتيني؟!

متى عرفتيني .. حتى تحبيني !

لو قلتلك بدري ,ما أضن أنا غلطان !

متى لمحتي الشوق والصدق في عيني ..

وبيني وبينك درب غربه وبيبان ,

وش تحسبين الحب يلي تحاكيني ؟!

الحب ماهو سالفة بين خلان !

الحب صدق إحساس وسط الشراييني ..

الحب يا صوت اللفى , نبض ولهان !

اليوم لا قلتي معك .........باجر بتنسيني !

هذي الحقيقه وإسألي كل إنسان ..

إنتي خدعتي إحساسك لا ما خدعتيني ,

والمختبي مع مر الأيام بيبان !

لا تسأليني ليه وشصار وشفيني ..

لا تلعبين بـ خافق بات حيران !

كانك تبين القرب ..............شبي ودفيني !

ولا إتركيني فـ زحمة البعد بردان !

أسير الشوق , متى عرفتيني !~

أســأ لكـ

كل ماجيـت أسألـكـِ عـن سـر دمعاتـكـِ بكيـت

ماقـدرت أشــوف عيـنـكـِ بالمـدامـع تختـنـق !

لاتجاملـنـي وتضحـكـِ .. واضـحـه لوما حـكـيـت

لاتصـور لـي حكـايـه مــن فـــراغ وتخـــــتـــــــــلق

كـل مافيـكِـ يتكلـم حتـى فــي صمـتـكـِ لقـيـت

أن سـهــم الـبـعـد نـافــذ وابـتـديـنـا نـفـتــرق !

ويش أقول لدمع عينكـِ والقصور اللي بنيت؟!

وكيف أصبر قلبي اللي بين أيديكـِ ويحتـرق؟!

أدري انه غصب عنكـِـِ وأدري انـكـِـِـِِ مانويـت

وأدري انـه فـي زمنـا حتـى حلمـكـِ ينسـرق !!

بس لاتبكـي طلبتـكـِ وسـوى نفسـكـِ مادريـ

توالا انـا حظـي وأعرفـه .. مــع زمـانـي متـفـق

لابغيـت أفـرح ثوانـي قلـت .. ليـت وليـت ليـت !!

ليتني...؟!!وباقي كلامي وسط صدري يختنق

أمسح دموعـكـِ فديتـكـِ وأبتسـم لامـن طريـ

توجيت في بالكـِ وقل لي (( كان لازم نفترق ))