يحس فيني

يحس فيني ... قبل لا أحكي ! ... عن إللي بـ خاطري و فيني

وكل ماجيت أبـ تكلم , عن " الأحزان " ؟ هو / يبكي !

غريبه ! كيف يفهمني ؟ ويقراني ؟ وأنا عيني :

- أغمّضها إذا شفته . . . و أحاول . . . إنّي ما أشكي

عليه شلون أخبّي شي ؟؟ وأشوفه ( حافظ سنيني ) !!

إذا بـ أضحك قبل لا أضحك ...... تسابق ضحكته ضحكي .

لأنه عارف أحوالي قبل لا يسأل [ شـ فيني ]

لزمت " الصمت " في لحظة سؤاله . و أتركه { يحكي .}

احمد الصانع

مــســرحــيه

مسرحيه صارت الدنيا بعيوني

وانتي اجدر من لعب دور البطوله

ياملاك الحب عفوا .. ياجنوني

لو سمحتي بخاطري شيٍ بقوله

بسألك وشلون خابت بك ظنوني

وكيف هانت عشرتي معك بسهوله

وليه كنت توصفي حالك بدوني

مثل وادي ينتظر تجري سيوله

هو غبا مني تسير ني شجوني

او غبا اتبع خفوقي في ميوله

او غبا صديت عن ناس نهوني

ثم ضربت الكون في عرضه و طوله

وانصحوني..وانصحوني ..وانصحوني

لا تجي خطوات رجلينك عجوله

وكنت اكابر و احلف انك ماتخوني

لين جتني طعنتك في صدر يوله

فعلتك تمخا و يبقى يافتوني

شي واحد وان سمحتيلي بقوله

انتي اعلم من اكون ومن تكوني

والجبل ما هزته ريح خجوله

الشاعر \ فيصل العدواني

الشــماغ !!

ما على " قلب " الرسول إلا / البلاغ

و إنت لك عندي ( رساله ) و كلمتين

قلبي المرسل ؟ .. محاك من الدماغ

طحت من عيني !و طاحت دمعتين .

ما أطوّلها عليك , بْلا صياغ

- هي قصيره بس ! تجرح حبتين :

يوم قلبي ذاب في حبك , و زاغ ..

ليه قطَّعته بـ [ إيدك ] قطعتين ؟! :

ما مسح لي دمعتي غير .. الشماغ ! .

غلطتي ؟ / طيبي , و غدرك / غلطتين

بيت صغته . . . وبيت " لا يمكن " يصاغ

شي كتبته , وشي مكانه نقطتين (..)

قلبك أستخسر عليه اليوم ساغ ....

. وعندي كلك ما تساوي – بيزتين

آخر حروفي الصدر فيها بـ " آغ "

و إنتهى عجز الصدر فيها بـ ( تين )

إللي فيني الحين ؟ ما جا من فراغ

صدمه .. وحده .. تكفي / ما أبي صدمتين /

ما عليك من الرسول , إلا البلاغ ,

[ صعب تلدغني بجحرك : مرتين ]

طموح البنت في عمري .. عروسه,لعبه,استشوار

بحاول أوصف احساسي تجاهك وانثر الامطار

بحاول..بس يا الغالي شعوري صعب تفسيره !

انا من يومني بنت(ن) صغيره والقلوب كبار

بلاني ربي بحبك , وعشت بعالم الحيره ..

أنا من يومني طفله وانا لي بالهوى تذكار

عشقتك من صغر سني , يا زين الوصف والسيره ..

صحيح اني صغيره حيل , ومن حولي بنات صغار

صحيح همومنا لعبه , وكل أحلامنا صغيره ..

طموح البنت في عمري , عروسه و لعبة ..استشوار

وانا كل اهتماماتي , عيونك يا ضيا الديره ..

في مدرستي عجزت أفهم دروسي والبلا أفكار

أفكر فيك يا خلي .. وزاد الشوق تفكيره ..

أنا ما همني درسي .. ولا هموني الشطار

تجاهلت الفصل كله .. عباراته .. طباشيره

كتبت اسمك على هاك الدفاتر يالغلا تكرار

رسمت قلوب ورديه , سكنها انت , من غيره ؟

الا ياليتني بنت(ن) , تعرف تنظم الاشعار

يمين الله لأكتب لك قصايد تفضح الغيره ..

كبرت اليوم يا الغالي وزاد بقلبي الاصرار

على حبك , وحب اللي يحبك فاق تعبيره !

جذبت عيوني الثنتين , الا يا ملفت الانظار

سكنت حدود نبضاتي , بدون اجراء تأشيره ..

فداك اللي تبي آمر , تمنّى يالغلا واختار

لو انك تطلب عيوني , لأقول ان العمى خيره !

جميع اللي تبي حاصل , حشى ما أنطق الاعذار

ولو يتعذر قليبي , حشى ما اقبل معاذيره ..

تأشرّ باصبعك للشيء , تلقى مطلبك قد صار

فخوره لو أجيبه لك يا سيد القلب يا أميره ..

تبعثرني هموم البعد , وتبحر بي كما البحار

غزاني موج بُعد الخل , ولا وضح لي تبريره ..

متى ألقى مراسي اليم , وتلطف فيني الاقدار

الا يا بختي بشوفه , الا يا ليتنا جيره !

انا من لامني بحبك , عساه لقصرة الاعمار

تلوموني على شخص(ن) , حلاه احلى من الشيره ؟

قالوا لي تحبينه ؟ وقلت ان الحروف كثار

أحبه واعشقه واهواه, ولا أرضى بتغييره ..

شجاعه , بس لا شفتك , كياني يا بعدي ينهار

قويه , لكن قبالك , شعوري صعب تظهيره ..

عيونك يا بعد كلي , تهز الفارس المغوار

شموخك مفخره للعز , يذكرني بأساطيره !

الى مني تباطيتك , تولّع في حشاي النار

تزوّد جرعة الاحزان , تزيد القلب تخديره !

واذا يا عيني لاقيتك , يثور بداخلي اعصار

أطير بعالم الفرحه , تقيّدني اساويره ..

لو انك تدري بحبك , كم له داخلي مقدار

يطير العقل يا خلي , كأنك شارب(ن) بيره !!

** شاعر غير معروف وللاسف

الأصيـــلـــه

:قلت .. أبحكي .. ما رأيته .. وما سِمَعتَه للذينه /

يسمعُونِي , و يفهمُونِي , دَام خفَّاقِي كفَلها

" قصةٍ " صَارت و عِبرَه و " نُور دَرب " العارفينه

وإستَحَت ( كِل القِصَايِد والكُواكِب ) مِن خَجَلها

شاعره . لا يُمكِن إنهَا تِعترف مِثل : السفينه

لا بَغَت تغرق ؟ تِكابِر ! حتَّى تتناسَى خلَلها ,

السهل فيها صَعَبهَا , وما تبي تِرسى في مينه ,

أبحَرَت رَغم العَواصِف . . . والصَّعَب فِيها سَهَلْها . . .

مِن تِغزَّل ؟ ما عِجَبهَا ... لو مِسَكهَا في يمينه .

ومِن عَرَفهَا ؟ ما فَهَمهَا . لو قراها في غزلْها ...

تكتِب " اللي صار فِيها " و " الجُروح المستكينه "

و القوافي / صَارت أجمَل ! لا بِدى فِيها زعلها /

ولو يكذِّب ؟ ما تِصَدِّق لو يقول إنْهَا : ثمينه

ولو وصَفهَا ؟ مِن خياله ؟ ما وصِفهَا في مثلها ,

تِنْصِدِم لا شافَت إنهَا - هَزَّت قِلوبٍ رزينه

صارت الوردَه ..الوحيده.. و النَّحَل ناوي ( عسلها )

مِن سَألهَا عَن خَبَرها قالت [ أشوى صِرت زينه ]

وإهيَه تدري في النهايه ؟ إنْهَا في قِمَــة مللها

!ما شِكت تكْسر خواطـر . . . وما بِكَت دَمع المهينه . . .

ما رجت { رغـم المصايب } , و إنْعَدَم فِيها جهلها

ويُوم خان الحُب ؟ قالَت : ِيلعَـن الحُب وسنينه

:نفسها نفسٍ - عزيزه و " ما إنوَلَد " مِن هو يذلها

ما بقى للِّيل داعـي .... . بعد ما راحت حزينه

وما بقى للحب معنى . .... بعد ما حُبها خذلها

مِن قِدَر قلبه و جَرَحهَا ؟؟ مِن ذِبَحهَا في إيدينه ؟؟

ما عَـرَف ( " قِيمَة وفاها " ) لِيته والله ما وصلها

!كِلْ شَي فِيهَا . ! يحبَّه ! . و ما تبـي إلا / حنينه

كامله و الكامِل الله يـا كِثِر و الله , خِصلها ...

الأصيله يوم صَارت في وسط عينه رهينه ؟؟

قام - يضحَك مِن غلاها عِند ~ كِل اللي عَذلها

~ويَسرِد القصَّه الطويله ــــ و يقلُب الزينه بشينه !

والخطا ؟ سوَّاه مِنْها . ما رَحَم " طِيبَة أصِلْها "

ولو أحَد عَنَّه سَألْهَـا ؟؟ قالت : الله بَس يعينه :

مـا تبي تحكِي , و تِذِمَه , لو سَألها مِن سألها ,

كانت ( أكبَر ) مِن جحُودَه يُوم عاشَت له سِجينه .

ما خَطَت مَرَّه !! في حَقه و - يا كبر والله عقلها

وكان ( أصغَر ) مِن صِغيرٍ عِندَه سِكينٍ سنينه ...

و لما صارت في إيدينه ؟ مادرى إنِّه [ قِتلها ]

عِزِّتي لِك يا وُفاها ,., مـا رَحَمهَا مِن مدينه ,.,

كِل مِن فِيهَا " جَرَحهَا " و إنطُفَت شَمعَة أملها

ما عطاها الحَظ مَـرَّه .! عَاشَت و مَاتَت / حزينه

والمشاكِل ؟ مـا تِجيهَا إلاَّ مِن { أقرَب أهلها }:..

الشاعــر::

أحمــد الصــانع

الاســـرار

الاسرار

يا رفيف الماء .. وفجر العيـد .. وأحـزان الموانـي
يا أكثر أهل الأرض طيبـة قلـب .. وأسـرار دفينـه

المكـان اللـي هنـا .. مليـان ضحكـات ، وأغانـي
والكلام اللـي بغيـت أقـول .. يحتـاج ل سكينـه !

شوفي الركن البعيـد هنـاك .. كنـه صـدر حانـي
هذا هـو اللـي يليـق ب شاعـر وبنـت حزينـه!

أنسـي الشـارع ، وعتمـات الـزوايـا، والمبـانـي
هاتـي يدينـك نلـف الغـيـم ونشـكـل مديـنـه !!

عنـدي الليلـة كـلام وصمـت .. وأخـاف الثوانـي
تظلمه .. أو تظلـم اللـي فيـه كـم ضاعـت سنينـه

بـس لازم تسمعيـن الـلـي أبــي ولا تـرانـي
لو ب أعيده لك .. نسيت .. ورحت أقول اللـي تبينـه

شي واحد قبل ما أبدأ .. مـا أبـي أي شـي ثانـي
يخطر ف بالك .. وأنا أكشف لك شعـور تجهلينـه !

إن أنا .. وبكـل مـا تحملـه "أحبـك" مـن معانـي
كنت،وراح أبقى أحبك .. لين .. مدري وش هو لينه !!

بـس والله ماقـدرت أنسـى .. ولا همـي نسانـي
لا ذكـرت إنسـان .. فيـه أسـرار مابينـك وبينـه

كـل مـا تطـري علـي فكـرة هـواك الأولانــي
أشعـر إنـي أنطعـن مليـون مـره مـن يديـنـه!

أشعـر إن عيونـك.. الله مـا خلقهـا إلا عشـانـي
كيف كانت تبتسـم لـه؟!.. قولـي إنـك تخدعينـه !!

صورة إنه كـان يمسـح دمعـك .. تزلـزل كيانـي
وكيـف كـان يلـم شعـرك .. ويتبعثـر فـي يمينـه

حتى اسمـك يـوم رحـت أدلله .. حظـي رمانـي..
بنفس الاسم اللي يقول .. بذمتـك ماهـي غبينـه !؟

وكنـي اللـي .. كـل مـا أناديـك بالاسـم الفلانـي
أطلـب النسيـان .. يتـرك منـه شـي تذكرينـه !!

لا تظنينـي أنانـي .. لا .. أنــا مانـيـب أنـانـي
لو سلمت من الغرق . بـأموت في ظهـر السفينـه!

يا إني ما أكمـل وأعانـي .. أو أكمـل ثـم أعانـي..
كل ما اسمع طاري اسمه .. أو تجي عيني في عينـه!

أينا كـان الضحيـه ؟.. وأينـا اللـي كـان جانـي ؟
مـدري !.. ولكـن قـراري لازم إنــك تقبليـنـه:

مثل مـا أكـره فكـرة إنـه واحـدٍ ياخـذ مكانـي
ما أقدر أجلس في مكـان إنسـان.. كنتـي تعشقينـه!

للشــاعــر ::

فهــــد المســـاعــد

يـــبــهـ

للاستمـاعـ .. اضغط على الرابــط

http://www.almusa3ed.com/fahad/voice.php?action=play&id=25

يبه وانا بعد اثنعش عـام حسيـت
اني قـدرت اقـول شـيٍ كتمتـه

ابطى قصيدي ماانكتب فيك وابطيت
اجر صوتي وارجع اجر صمتـه

ماودي اكتب بيت واندم على بيـت
ماهوب شعر الشعر كاني زهمتـه

الشعر كانه ماانحنى ليّّ .. ماجيت
ان ماعـزم مرثيتـك ماعزمـتـه

ان ماكتبته باازرق الدمع وابكيـت
كل الجـروح المبطيـه مارحمتـه

يبه وانا من بعدك ابـو التناهيـت
مامـر طعـمٍ للحـزن مانهمـتـه

يبه ( يبه ) كلمه وانا كل مااوحيت
كلمة ( يبه ) صديت والوقت لمته

يبه ( يبه ) كلمه وانا كـم تمنيـت
اهدم بها وابني بها اللـي هدمتـه

يبه وانا لاضقت رحت وتهجيـت
ركون بيـتٍ ضـم حلـمٍ حلمتـه

يومك تعلمنـي الامـن تحاكيـت
درس الحياه اللي كبرت وفهمتـه

هنـاك كانـت دلتـك لاتقهويـت
وهناك كان يساق طيـبٍ حشمتـه

وهناك ايه اذكرني هنـاك خليـت
طفلٍ مـلا بالدمـع دربٍ رسمتـه

هناك جاني علمـك انـك توفيـت
وهناك خاويت الشقـا واحتزمتـه

واليوم قلت اليوم يومـي ومديـت
كف القصيد وطاح شعر ونظمتـه

لكن بعد صمت اثنعش عام حسيت
اني عجزت اقول شـيٍ كتمتـه !!

للشـــاعــــر ::

فـــهــــد المــــســـاعـــــد

اخاف اقول ألوو تخنقني العبره..!!

العبره اللـي لهـا يوميـن تخنقنـي

خذيت منها على مر الزمـن عبـره

آفرح ليا باان وآحزن لاسـلا عنـي

إلين ماصرت في دور الهوى خبـره

تآمرني آنساك بنسى ويش يمنعنـي ..!

لكن ليااجيت في بالي وش الدبـره ..؟

خذيتنـي سالـي ودالـه ومتهـنـي

ورميتني شاعر(ن) ساهر على حبره

الله حسيبك على الضيقـه معودنـي

ياكاسر الخاطر إللي شوفتك جبـره

تطلب وآنفذ وآبي قربـك وتجهلنـي

كني طلبتك تحفـر البيـر بالأبـره ..!

تقول : ياامكرم القيفـاان تخدعنـي

وآقول : بعدك كفنه وغيرتـه قبـره

طيفك على صدك وبعدك مصبرنـي

لو كاان طيفك يشيل القلب من صبره

آمهلتني للزمـن والوقـت مهملنـي

يااحر كبدي على حااجاات منثبـره

وإللي سرق بالي وحيـره وآشغلنـي

طاريك لامـر وش دخلـه بالنبـره

موج الغلا يم سيف الشوق يدفعنـي

ياقرد حظي معى شفـي وياغبـره

إليا طلبته يقـول آسـف وفارقنـي

إللي معى ماايعـل النفـس يااكبـره

ولاإنت ياحزبة الضامـي معذبنـي

متى نصادف طريق(ن) نلتقي عبره ..؟

آبتصل فيك لاا ..! ماانيب متعنـي ..!

آخااف لاقلت ( آلوو ) تخنقني العبره

أسولـــف (عنه) لــ حاله!!

يكلمني عن جروحه .. وأنا من سبِّته / مجروح !
يسولف لي عن (أحبابه) وأسولف (عنَّه) لـ حاله ..

أحس في دمعة عيونه , وتطلع من بكاه الروح ,

وإذا يفرح مع غيري . . . بكى " قلبي " و / هنَّاله .

ياليت آنا معاه اللي ركبنا في [ سفينة نوح ]

محد يقدر يفرقنا لا : عمِّي .. و لا : خاله

رسمته في قلم ناشف على قطعة خشب من لوح

و تهيألي يحاكيني !! ويبيني أرسم إظلالـه

تحرَّك طيفه الدايم . ولَعَب في حسبتي بجْموح .

يحب الخيل , و , أشعاري .. عشانه صاروا خيَّالـه

وصار بـ عيني ( الأجمل ) مع إنَّ شوي هو / مملوح ,

ولا غيره مــلا عيني وقلبي بس يصفالــه

ذبحني قلبي الساكت ! ... متى قلبي عليه يبوح ؟؟

أحبه وماعرف إني أحبـه , وأعشق وصاله

كتمت , وهذا من طبعي , وتمنيت " الغلا " مفضوح

ببيِّن له ولا أقدر !! مع إنِّي جالس قباله ,

أخاف إنّه بعد مُدَّه يطير ... ومن إيديني يروح !

هو نعمة من فضل ربي , ويقولوا : النعمـة زوَّالـه

لي قلبٍ من كثر حُبه على : فراش التعب : مطروح ,

لا هو " ميت ".. ولا " عايش " .! ووالله إن مـااات أشواله

وحبي من طرف واحد , غلا صادق بدون مزوح

وإذا هو طاح ؟ قداامـي .. نزلَّـه / قلبي / و : شــاله .!!

شكالي وكنت له أسمع . . . وقلبي دوم له / مفتوح

يطمِّني عن " أخباره " , وشنهي آخر أعمالـه

وإذا شفته خطا بـ حقي بدون أعذار ؟ .. هو مسموح ,

في نياته ولا يدري .! وطيبة قلبه همَّالـه .

في جَياته ....... يروح الهم , ويبدِّل ( دمعتي ) بـ فروح

تمنيت البشر مثله . . . وكل من حولي أمثاله .!:$

من الله حُبه في قلبي حشى مالي ترى مصلوح ,

عسى يكبــر ويذكرني ويسمِّي بـ " إسمي " : إعيالـه .

أقوى من جروحك

تبسم واترك جروحك على جنب الزمن وارتاح
حرام تطيح من عينك على شان الزمن دمعـه

انا برجوك لاتزعل ولاتزيد الجـراح جـراح
تبسم واترك جروحك على شانـي بلارجعـه

انا ادري صعب لو تنسى ولاكن الامل ماراح
ولو راح الامل يبقى في تالي من الالم متعـه

ابيك اقوى من عنادي ولو جاك الكلام رمـاح
وابي تشعل من جنونك على طاري الغلا شمعه

وابي تذكر ليالينـا ليالـي شوقنـا الفضٌـاح
وابي تسهر على شاني وتذكر ليلـة الجمعـه

ابي تذكر الى منه كمـل بـدر الجنـون ولاح
اجي وتسابق جنوني خطاوي شوقي السرعـه

كأن الروح بغيابـك بقايـا ساكنيهـا اشبـاح
وكأن القلب من بعدك غريق ويطلب الفزعـه

احبك والغلا يترجم جنونـي والغـلا ذبـاح
غرامً يكشف شعور الجنون ومسألـة وضعـه

كتبت الشعر لعيونك لقيتـك للقصيـد وشـاح
لقيتك روعة حروفي سوالف عشقـي ونبعـه


ابيك اقوى من جروحك تحدى هالزمن وارتاح
لان الدنيا ماتسوى على شان الزعـل دمعـه

شف بدل مانخشع لصـوت السديـس ننقهـر لظـروف( نـور) القـاهـره

الجديـد اهـداء لابهـا والخمـيـس

اسمحـولـي يالوجـيـه الطـاهـره

واقـع الامـة مثـل ماهـو تعـيـس

حـرب سـريـة وحــرب مـاهـره

زوّدو سعر (المسـدس) و(التميـس)

وطاح سـوق الشـام قبـل القاهـره

وارتفع سهـم انقـرة سبـة لميـس

ابهرتـهـم بالـوصـوف البـاهـره

عنـز قـومٍ طيحـوهـا بالمـريـس

كـم عيـون لهالمسلسـل سـاهـره

(الضيـاع سنيـن) حمـل يالتبـيـس

والمسلسـل باطنـه فــي ظـاهـره

الخسيسـه عاشقـة يحـيى الخسيـس

واصبحـت قصـة هواهـم ظـاهـره

البني تضرس علـى يحـي ضريـس

وطيـرت عقـل الشبـاب العـاهـره

شف بدل مانخشع لصـوت السديـس

ننقهـر لظـروف( نـور) القـاهـره

واقـع الامـة مثـل ماهـو تعـيـس

(...... ؟ .....) صارت علن ومجاهره

ـألشـأإعر / خلف مــشـ ع ـأإن العنزي ...

ثلاثـ ساعاتـ أتصلـ مشغولـ .. .

جت ثايره متوترة و قلت الحلـو زعـلان ليـه" "

الله يجازيهـم حــرام يزعـلـون المتـرفـه

رفعت حواجبها وزمت رمشهـا والمـوت فيـه" "

قالت بكيفـي والسبـب ماهـو بـلازم تعرفـه

شي ما يخصك اتركني في حالي الحزن اشتهيـه" "

احد اشتكى لك؟ يووه يا بعض الخلايـق ملقفـه

قلت انت لو ما تشتكيـن الهـم قلبـي يشتكيـه" "

من يوم اشوف الحزن من تحت الرموش المورفه

وشلون ما تبغيني اسـأل ليـه همـك تحمليـه" "

وانـاا بتهاجاتـي علـى نفسيـتـك متوقـفـه

زود انفعالاتـك يؤثـر بانفعـالاتـي واتـيـه" "

تأثير يتناسب تناسب طـردي ابنفـس الصفـه

لو اعـرف اللـي زعلـك والله لاخذلك حقــك" "

وإلا يجي لك يعتذر غصبـاً عـن اللـي خلفـه

قالت على بالك تتريق؟؟ يا برودك يييييييه ييـه" "

أحر ما عندي هو ابـرد شـي عنـدك والطفـه

قلبتها ليه فيزياء وانـا احسـب انـك سيبويـه" "

اقول لـك حـره وبرضـك ماتسيـب الفلسفـه

مدري انت تستغبي معي وإلا مسوي لي نبيـه؟" "

وإلا انت فاكرنـي لهـذا الحـد انـا متخلفـه؟

لا لا حبيبي مو بنا اللـي يخدعـه مـا تدعيـه" "

مبروم ما يفتـل علـى مبـروم لعبـك بكشفـه

تقتل قتيلك ثـم تمشـي فـي الجنـازه تقتفيـه" "

من يوم آعرفك وانت ما تتـرك معـاي اللفلفـه

قلت اذكري الرحمن واعطيني سبب واحد وجيه" "

يعطيك حق انـك تدينينـي لـو انـك منصفـه

قالت لي اسأل نفسك اش سويت بالحب النزيـه" "

منهو الذي مشغـول جوالـه ودمـي استنزفـه؟

ثلاث ساعات اتصل مشغـول يا(خـي) وليـه" "

مدري تفاوض بوش وإلا انهـا بدايـة معرفـه

طبعاً مطنشني وداخـل جـو لكـن وش عليـه" "

مانـي بزعلانـه علـى شانـك وإلا متحسفـه

ليه الحسايـف دام قلبـك بـاع قلبـاً مشتريـه" "

إلا خسـاره فيـك دمعـاً فـي غيابـك بذرفـه

قامت وراحت واتركتني قلت معـذاري اسمعيـه" "

زمت شفايفها ولفحـت شعرهـا فـي عجرفـه

لحقتها قلت افهمي الموضـوع قالـت مـا ابيـه" "

قلت انت حره واتركتني آآآآآآه ياهـي مجحفـه

اسبوع يا(الظالمه) لا زادي ولا النـوم اهتنيـه" "

احب هالمجنونـه اللـي فـي عذابـي مسرفـه

من يوم راحت والسوالـف كلهـا لهجـة سفيـه" "

وذكرياتـي لأجـل يسكـت كلهـا تستحلـفـه

والوقت باسط كف قابض كف يفرك فـي يديـه" "

له عين يتشمت وانا اللي كنت بالضحـك اتلفـه

ان كان مر اسبوع ما جاني اتصـالاً محتريـه" "

بطلبك يا(القلب) خدمـه كـان مـا فيـه اكلفـه

اطلع شهار وقول عندي شخص ربـي مبتليـه" "

واحجز سريراً زين في غرفه فسيحـه مشرفـه

ومر وصلنـي عسـى الله لا يهينـك يالوجيـه" "

تلقاني اتحـراك لابـس ثـوب نـوم ومنشفـه

عدم معرفة الشاعر وللاسف

ثمــــان شــهور

ثمــــان شــهــور


على الموعد بـ/ لهفه ,.. جيت لامانع و لاتأخير

لفيت من العصر هايم.. مع ان الموعد المغرب

وجتني بس انا مدري شعرت الجيه هذي [ غير ]!!

وهي تقرب من ( عيوني ) شعرت ان الممات اقرب

وقلت ..,الله يهونها .. عسى في جيتك لي خير

انا من شفـتك ..[ اقبلتي ..] وانا خايف ومستغرب ,!

على كثر ( الحكي ..] مدري كأنه خانها { التعبير }

قالت لي [ جمـل ] و اشيـاء.. ؛لا تكتب ولا تعــرب .,!

هدت فجأه تطالعني .. وانا في حاجة التفسير

لجل نحكي بهدوء اكثر .. سألت الحلوة وش تشرب ..!؟

وصاحت بي [ اناأحبك ] ولك في هـ/ الحشى تقدير ..

وتدري ان ( المثـل ) فينا وفي احساسنا يضــــــرب !!

صحيح انك ( وفـي ) وانك ( بـري ) من تهمة { التقصير }

ولكن ذي عوايدهم من ايام وزمــن ..{ يثـــــــــرب ]

تكون البنت لـ/ آبن العم ..ورغبات الكبار تصيــر

وتدري الاقربون اولى .., مع انك للخفوق أقــــــرب

وتدري للقدر كلمة .. و لعادات الأهل [ تأثيــر ]

لذا ارجوك,! تتركني وانا من دنيتك بـ/أهــــــرب

شعرت بـ/ حكيها كنه قصاص و أمر بالتعزير ؛؛

شعرت الدنيا ضاقت بي .. من المشرق ليا المغرب

مشت خلت وراها ( طفل ..] مايدرك وش التدبير !؟

يحسب ان الغرام [ اشعار ] شاعر و اغنية مطرب

ضحكت وماقدرت اني الاقي لـ/ ضحكتي ؛ تبرير

من اللي بـ/ وقتنا مره ضحك من لدغة العقرب ؟!

رفضت استوعب اللي صار .. ولا استسلمت للتغيير

[ ثمان شهور ] أجي نفس المكان بحزة المغرب

برغم ان الثمان شهور ( جرح ) وكلفتني كثير !!

انا لـ/ اليوم أجي وادعي ..تجي يارب..تجي يارب!!

* عدم معرفة الشاعر للاسف

بسم الله نبدأ

اتمنى من المولى

ان تحوز مدونتي

على اعجابكم ..

وهي عنوان لابيات

شعريه مختاره ..

تم تجميعها واستضافتها

ومعرفة شاعرها ان امكن ..